მოგესალმებით საქართველოს უნივერსიტეტის ენების ცენტრის ვებგვერდზე.

 

საქართველოს უნივერსიტეტის ენების ცენტრში უცხო ენების შესწავლა შესაძლებელია არა მხოლოდ საქართველოს უნივერსიტეტის სტუდენტებისთვის, არამედ ყველა მსურველისათვის.

უცხო ენების კურსები ითვალისწინებს უცხო ენაში ცოდნის გაღრმავებას ევროპის სარეკომენდაციო საბჭოს მიერ დადგენილი დონეების მიხედვით. იგი აწვდის მასალებს უცხოენოვანი ქვეყნების ქვეყანათმცოდნეობის, ყოველდღიური რეალიების, ღირებულებების, ტრადიციების, ზნე-ჩვეულებების და სოციო-კულტურული თავისებურებების შესახებ.

 

კურსები განკუთვნილია ყველასთვის, ვისაც სურს აიმაღლოს ცოდნის დონე ან დაეუფლოს უცხო ენას.

 

კურსები აგებულია ენის სწავლების ახლებური და თანამედროვე მეთოდებით, ვიდეო და აუდიო მასალებით და უზრუნველყოფილია ტექნიკურად აღჭურვილი მაღალი დონის აუდიტორიებით. იგი სთავაზობს ცალკეული სამეტყველო უნარ-ჩვევების განმავითარებელ, ენობრივი კომპეტენციის ასამაღლებელ სხვადასხვა მოდულს, რაც სასურველი მიმართულებით ცოდნის გაღრმავების შესაძლებლობას იძლევა.

 

 

 

საქართველოს უნივერსიტეტის ენების ცენტრში აგრეთვე შესაძლებელია მიუნსტერის უნივერსიტეტის ენის გამოცდის ჩაბარება და DSH-ს დიპლომის აღება, რომელიც გერმანიის პრესტიჟულ უნივერსიტეტებში უგამოცდოდ სწავლის შესაძლებლობას იძლევა. DAAD-ის მომავალი სტიპენდიანტები, რომლებიც ჩააბარებენ  DSH-ს გამოცდას, გათავისუფლდებიან გამოცდისგან გერმანულ ენაში.