უნივერსიტეტის მართვა ხორციელდება მოქმედი კანონმდებლობისა და საუნივერსიტეტო წესდებით განსაზღვრული უფლებამოსილების ფარგლებში.

უნივერსიტეტის მართვას უნივერსიტეტის ადმინისტრაცია ახორციელებს სხვადასხვა სამსახურის მეშვეობით. საუნივერსიტეტო სამსახურები  ქმნიან კეთილმოწყობილ გარემოს სტუდენტებისათვის.  უნივერსიტეტის სივრცე  მათ  უადვილებს   ინტეგრირებასა  და უმთავრესი მიზნის - საუნივერსიტეტო  სასწავლო პროგრამით გათვალისწინებული შედეგის მიღწევას.

უნივერსიტეტში დანერგილი თანამედროვე მენეჯერული სისტემა, რომელიც IT ტექნოლოგიებს ეფუძნება, ხელს უწყობს საუნივერსიტეტო სამსახურების გამართულ მუშაობას.

ყოველი სამსახური წარმოადგენს სტრუქტურულ ერთეულს, რომელსაც წესდებით გათვალისწინებული ფუნქციები ევალება.

საუნივერსიტეტო სამსახურები, როგორც სტრუქტურული ერთეულები, ან უშუალოდ ექვემდებარებიან რექტორსა და პრორექტორებს, ან უფრო მსხვილი სტრუქტურული ერთეულის შემადგენლობაში შედიან. იხილეთ უნივერსიტეტის სტრუქტურა.