საქართველოს უნივერსიტეტის საშუალო სკოლის დამფუძნებელია საქართველოს უნივერსიტეტი. სკოლა წარმოადგენს “ზოგადი განათლების შესახებ” საქართველოს კანონის მოთხოვნათა დაცვით დაფუძნებულ არასახელმწიფო, ზოგადსაგანმანათლებლო დაწესებულებას და შექმნილია განუსაზღვრელი ვადით;

„საქართველოს უნივერსიტეტის“ საშუალო სკოლა ლიცენზირებულია საქართველოს განათლებისა და მეცნიერების მინისტრის 2009 წლის 11 მაისის #260 ბრძანებით, ლიცენზიის ნომერი 0931149.

სკოლა მდებარეობს თბილისში, მისამართზე: მ. კოსტავას ქ. #77, ტელ: 47 96 24; ის განთავსებულია საკუთარ შენობაში, მისი ტერიტორია დაცულია.

საქართველოს უნივერსიტეტის საშუალო სკოლის მიზანია, სწავლების თანამედროვე მეთოდების გამოყენებით აღზარდოს განათლებული, წარმატებული და კონკურენტუნარიანი ახალგაზრდობა. ჩვენს სკოლაში მიღებული ცოდნით, მოსწავლეებს ექნებათ კულტურული ღირებულებების შეფასებისა და კრიტიკული აზროვნების უნარ-ჩვევები, რაც მომავალში ხელს შეუწყობს მათ წარმატებას და წარმოჩინებას პროფესიული მოღვაწეობის სფეროში. სწორი განათლებისა და პრაქტიკული მეცადინეობის საფუძველზე მოსწავლეები შეძლებენ სწავლა გააგრძელონ ქვეყნისა და უცხოეთის ნებისმიერ პრესტიჟულ უმაღლეს სასწავლებელში. 

 

 

ისწავლება: ხატვა, ხელოვნების ისტორია, ფორტეპიანოზე  დაკვრა. მუშაობს ქორეოგრაფიული, თეატრალური და სატელევიზიო სტუდია;

ისწავლება უცხო ენები: ფრანგული, გერმანული, რუსული, ინგლისური. უცხოელი მასწავლებლები ჩართულნი არიან როგორც საგაკვეთილო პროცესში, ასევე კლუბურ მუშაობაში;

სკოლაში არის ერთი დახურული სპორტული დარბაზი, სადაც ტარდება სპორტული მეცადინეობები. (ჭადრაკი, მაგიდის ჩოგბურთი, კალათბურთი, ფეხბურთი, ფრენბურთი) და სამი ღია მოედანი, მოსწავლეებს ემსახურება ფსიქოლოგი, პედიატრი;

ინფორმაციულ–საკომუნიკაციო სამსახურის განკარგულებაშია ასამდე კომპიუტერი. სპეციალურად შემუშავებულმა პროგრამამ სკოლას საშუალება მისცა,ფართოდ დანერგოს და საბავშვო ბაღის ასაკიდან დაიწყოს ბავშვების კომპიუტერული განათლება;

სასკოლო ვებ–გვერდის მეშვეობით მშობელს საშუალება აქვს, მუდმივი კავშირი იქონიოს სკოლასთან; ელექტრონული დღიურის  მეშვეობით მშობელს შეუძლია, ოპერატიულად მიიღოს სრული ინფორმაცია შვილის აკადემიური მოსწრებისა და შემოქმედებითი წარმატებების შესახებ;მოსწავლეებს ემსახურება სკოლის სატრანსპორტო საშუალებები; კლასში მოსწავლეთა დასაშვები რაოდენობა განისაზღვრება 15- 20-მდე; იგეგმება სკოლამდელი აღზრდის ცენტრი 4-დან 6-წლამდე ბავშვებისათვის.