ჩემი მიზანია  საქართველოს უნივერსიტეტის ყველა სტუდენტის ჩაბმა   საუნივერსიტეტო ცხოვრებაში, თითოეული მათგანის სურვილის, შესაძლებლობის, უნარისა და მიდრეკილების გათვალისწინება, უნივერსიტეტში სტუდენტების უფლებების დაცვა, ამავე დროს ვიზრუნებ ყურადღება მიექცეს სტუდენტების მიერ სტუდენტური ღირსების კოდექსის შესრულებას.

 

გვსურს - სხვებს და პირველ რიგში საკუთარ თავებს დავუმტკიცოთ, რომ “ჩვენთან სულ სხვაა”, გუნდური პრინციპი, ერთიანი ძალისხმევა და შემართებაა.

სტუდენტური ცხოვრების ორგანიზებაში მონაწილეობა ყოველი სტუდენტის ჭეშმარიტ ინტერესს უნდა წარმოადგენდეს. ჩემი, როგორც სტუდენტური თვითმართველობის საბჭოს ერთ-ერთი წევრის მთავარი მიზანი ,სტუდენტებში გუნდურობის პრინციპის დანერგვის მცდელობაა, სტუდენტთა მოტივირება და მომართვა სტუდენტური აქტივობებისკენ.

ჩემი ღრმა რწმენით, ორმხრივი ძალისხმევისა და თანამშრომლობის საფუძველზე შევძლებთ ჯანსაღი, გუნდური გარემოს შექმნას.

 

ჩვენს მიზანს წარმაოდგენს, დატვირთული სასწავლო გრაფიკის პარალლეურად, სტუდენტებს მიეცეთ საშუალება აქტიურად ჩაერთონ სოციალურ აქტივობებში და შეძლონ თავიანთი თავის რეალიზება.

ჩვენ მთავარი მისწრაფება არის სტუდენტებს შორის ძალების, რესურსების და შესაძლებლობების  თანაბრად გადანაწილება, რათა ყველამ სურვილის და მოტივაციის შესაბამისად შეძლოს თავის გამოვლენა. ჩვენ, სტუდენტებს, ყველას ერთად შეგვიძლია  გავამრავალფეროვნოთ ყოველდღიურობა და ვიმოქმედოთ ერთობლივად, საერთო ინტერესებიდან გამომდინარე.

 

საქართველოს უნივერსიტეტის თვითმართველობის საბჭოს წევრობა მეტად სასიხარულო და ამავდროულად საპასუხისმგებლოა. ჩემი მიზანი სწორედ თვითმართველობის საბჭოს სხვა წევრებთან ერთად საინტერესო და სტუდენტებისთვის სასარგებლო აქტივობების წარმატებით განხორციელებაა.

ჩემთვის საქრთველოს უნივერსიტეტში სწავლა ხარისხიან განათლებასთან და ამავდროულად აქტიურ, ლაღ, მხიარულ სტუდენტობასთან ასოცირდება. ჩვენ, საქართველოს უნივერსიტეტის თვითმართველობა ვეცდებით მრავალფეროვანი, საინტერესო სტუდენტური ცხოვრება შევუქმნათ ჩვენს მეგობარ სტუდენტებს მათივე დახმარებისა და ინიციატივების საფუძველზე.