• უნივერსიტეტში მიღება-რეგისტრაცია Δ
• უნივერსიტეტთან ხელშეკრულება-კონტრაქტის გაფორმება, აკადემიური შვებულების აღება Δ
• უნივერსიტეტში სწავლის აღდგენა-განახლება Δ
• სხვა სასწავლებლიდან უნივერსიტეტში გადმოსვლა Δ
• სხვა უნივერსიტეტში   გადასვლა Δ
• სხვადასხვა ცნობების, უნივერსიტეტში სწავლის დამადასტურებელი მოწმობის, საიდენტიფიკაციო ბარათის აღება Δხვადასხვა Δ

• საკონტაქტო ტელეფონის ნომრის შეცვლა
• მუდმივი/დროებითი საცხოვრებელი ადგილის შეცვლა
• სახელის და/ან გვარის შეცვლა

სტუდენტი-ბაკალავრების უნივერსიტეტში მიღება-რეგისტრაცია Δ

• შემოიტანონ საბუთები
• დარეგისტრირდნენ სასწავლო წელზე
• გააფორმონ ხელშეკრულება (კონტრაქტი) უნივერსიტეტთან

საბუთების შემოტანა:

• ეროვნული გამოცდების ცენტრის სერთიფიკატი,
• სკოლის ატესტატი - დედანი,
• პირადობის დამადასტურებელი მოწმობა – ასლი
• სამხედრო აღრიცხვაზე ყოფნის დამადასტურებელი დოკუმენტი (ვაჟების შემთხვევაში) - ასლი;
• 2 ფოტოსურათი 3X4;
• ფოტოსურათის ელექტრონული ვერსია.

• ბაკალავრისათვის სასწავლო წელზე დარეგისტრირება  გულისხმობს: სწავლის საფასურის გადახდას ერთიანად მთელი წლისათვის. სტუდენტი-ბაკალავრი რეგისტრირდება ერთხელ, სასწავლო წლის დაწყების წინ და რეგისტრირდება მთელ სასწავლო წელზე.

• პირველი კურსის ბაკალავრებისათვის (ანუ ახლადჩარიცხულებისათვის) დარეგისტრირების ვადებია:
  15-22 სექტემბერი; ბოლო ვადაა 22.09
• უნივერსიტეტის საბაკალავრო პროგრამებზე მოსწავლე II, III და IV კურსის ბაკალავრებისათვის დარეგისტრირების ვადებია:
  25. 05 – 15. 06. ბოლო ვადაა –15 ივნისი.
• ბაკალავრები, რომლებიც იღებენ საზაფხულო სემესტრს (ივნისი-ივლისი), ზაფხულის სემესტრისათვის რეგისტრირდებიან:
  15. 05 – 30. 05, ბოლო ვადაა – 30 მაისი;
  ზაფხულის სემესტრის ამღები სტუდენტები ახალ სასწავლო წელზე (შემოდგომა-გაზაფხულის სემესტრი) რეგისტრირდებიან არა უგვიანეს 20. 07, ანუ 20 ივლისი.

სარეგისტრაციო პროცედურა ბაკალავრებისათვის

• დარეგისტრირების ვადის გადახდის ერთი დღით გადაცილებასაც კი მოსდევს ჯარიმა. რეგისტრაციის ვადის დასრულების შემდეგი დღიდან პირველი 6 კვირის განმავლობაში ჯარიმა შეადგენს: ყოველ გადაცდენილ კვირაზე სტუდენტის წლიური გადასახადის 1%-ს, რაც 6 კვირის თავზე იქცევა წლიური გადასახადის 6%-ად (ბაკალავრისათვის წლიურ გადასახადად ითვლება 10 საგნის (60 კრედიტის) ის ღირებულება, რომელიც მისი კონტრაქტითაა განსაზღვრული.
  მაგ.: თუ 10 საგნის ღირებულებაა 5000 ლარი, ყოველ გადაცდენილ კვირაზე სტუდენტს გადასახდელი ექნება 50 ლარი, რაც 10 კვირის თავზე გაუტოლდება 500 ლარს 
• სარეგისტრაციო თანხის (ან ჯარიმების) გადაუხდელობის შემთხვევაში სტუდენტის მიმართ გამოყენებული იქნება ადმინისტრაციული სასჯელი: ლექციებზე, შუალედურ და ფინალურ გამოცდაზე არ დაშვება ...
  აგრეთვე სასჯელის უკიდურესი ზომა - კონტრაქტის გაუქმება და სასწავლებლიდან გარიცხვა.
• განსაკუთრებულ შემთხვევებს განიხილავს უნივერსიტეტის ადმინისტრაცია, რომელსაც უნდა მიმართოთ განცხადებით.

• ხელშეკრულება სტუდენტსა და უნივერსიტეტს შორის იდება ერთხელ და ის მოქმედებს უნივერსიტეტში სტუდენტის საბაკალავრო სწავლების განმავლობაში. შესაბამისად, არ ექვემდებარება გადასინჯვას არც სწავლების ის ღირებულება, რომელიც აღნიშნულია ხელშეკრულებაში მისი ხელმოწერის დროს.
• განსაკუთრებული შემთხვევებზე, როგორიცაა «აკადემიურის აღება», სწავლიდან ხანგრძლივი დროით გამოთიშვა, ისევე, როგორც ჩავარდნილი საგნების ხელახლა აღება და. ა. შ. კონტრაქტით გათვალისწინებულ პირობებში არ თავსდება და მათ არეგულირებს საუნივერსიტეტო წესდების შესაბამისი მუხლები.

• სტუდენტ-ბაკალავრს, რომელიც საკუთარი სურვილისამებრ გადაიფიქრებს უნივერსიტეტში სწავლას, რეგისტრაციიდან სწავლის დაწყებამდე პერიოდში, უნაზღაურდება სწავლის საფასურის 2/3, იმ შემთხვევაში თუ მას გადახდილი ჰქონდა ათივე საგნის, ანუ წლის სრული ღირებულება.
• სტუდენტ-ბაკალავრს, რომელიც საკუთარი სურვილისამებრ გადაიფიქრებს უნივერსიტეტში სწავლას, სასწავლო წლის დაწყებიდან 5 კვირის განმავლობაში, ანუ I შუალედური გამოცდების ჩატარებამდე პერიოდში, უნაზღაურდება სწავლის საფასურის 1/2, იმ შემთხვევაში თუ მას გადახდილი ჰქონდა ათივე საგნის, ანუ წლის სრული ღირებულება.
• სტუდენტ-ბაკალავრს, რომელიც საკუთარი სურვილისამებრ გადაიფიქრებს უნივერსიტეტში სწავლას სასწავლო წლის დაწყებიდან 6 კვირის, ანუ I შუალედური გამოცდების ჩატარების შემდეგ, გადასახადი არ უნაზღაურდება.
• უნივერსიტეტი რიცხავს სტუდენტ-ბაკალავრს და აუქმებს მასთან კონტრაქტს ამ უკანასკნელის აკადემიური მოუსწრებლობის გამო (არადამაკმაყოფილებელი - 51% ზე ნაკლები სამ საგანში ერთი სასწავლო წლის ან სემესტრის განმავლობაში, და დანაჩენი 7 საგნიდან 4 საგანში (ან დანარჩენი 2 საგნიდან, თუ საუბარია სემესტრზე, ორივეში) მაინც თუ არა აქვს 80 %-ზე მეტი.)
• სტუდენტებს, რომლებთანაც უნივერსიტეტი აუქმებს კონტრაქტს მათი აკადემიური მოუსწრებლობის გამო, გადასახადი არ უბრუნდებათ.

• სწავლის შეწყვეტის დღედ ითვლება დღე, როდესაც საბაკალავრო სწავლების მენეჯერი მიიღებს სტუდენტისგან წერილობით განცხადებას სწავლის შეწყვეტის შესახებ.
• გადასახადი არ უბრუნდებათ იმ სტუდენტებს, რომლებიც წყვეტენ სწავლას დისციპლინური ნორმების დარღვევის გამო, ანუ ირიცხებიან უნივერსიტეტიდან ადმინისტრაციის განკარგულებით.
• უნივერსიტეტი შეუწყვეტს სტუდენტს რეგისტრაციას და გააუქმებს კონტრაქტს, თუ სტუდენტი - უნივერსიტეტის მხრიდან არაერთჯერადი გაფრთხილების მიუხედავად - არ დაფარავს უნივერსიტეტის წინაშე დაგროვილ დავალიანებას.

სტუდენტის უნივერსიტეტში აღდგენისა და სწავლის განახლების შემთხვევები Δ

• სტუდენტს, რომელიც დაფარავს დავალიანებას და გადაიხდის ჯარიმას (დავალიანების ჯარიმა შეესაბამება დავალიანების მეათედს), მისი სურვილის შესაბამისად, შესაძლოა აღდგეს უნივერსიტეტის სტუდენტად. ასეთ შემთხვევაში ის არ გაივლის ხელახლა მისაღებ გამოცდებს, თუმცა მასთან უნივერსიტეტი აფორმებს ახალ კონტრაქტს სწავლების იმ საფასურით, რომელიც არის კონტრაქტის აღდგენის პერიოდისათვის.
• სასწავლო წელზე აღდგენა და სწავლის განახლება შეუძლიათ იმ სტუდენტებს, რომლებიც იძულებულები იყვნენ შეეწყვიტათ სწავლა უბედური შემთხვევის, ავადმყოფობის, სამსახურებრივი მივლინების შემთხვევაში, თუ მათ დაწერეს თავის დროზე (სწავლის შეწყვეტის პერიოდში) განცხადება და ოფიციალურად მოითხოვეს დროებით სწავლის შეწყვეტა - აკადემიური შვებულება.
• სტუდენტს უფლება აქვს ავადყოფობის ან სხვა მიზეზის გამო აიღოს აკადემიური შვებულება. აკადემიური შვებულება სტუდენტმა შეიძლება აიღოს სემესტრულად – არა უმეტეს 4 სემესტრისა, ანუ ჯამური 2 სასწავლო წლისა.
• აკადემიური შვებულებით სარგებლობის მოსურნე სტუდენტმა უნდა გაითვალისწინოს, რომ უნივერსიტეტი სტუდენტისათვის სწავლის საფასურის შენარჩუნებას უზრუნველყოფს მხოლოდ სწავლების პროგრამით განსაზღვრული ვადის განმავლობაში. აღნიშნული ვადის გადაცილების შემთხვევაში სტუდენტს სწავლის საფასური ასანაზღაურებელი ექნება იმ პერიოდისათვის მოქმედი ტარიფებით.
• სტუდენტ-ბაკალავრს, რომელიც ირიცხება უნივერსიტეტიდან და რომელთანაც უნივერსიტეტი წყვეტს კონტრაქტს აკადემიური მოუსწრებლობის გამო, აქვს უფლება ერთჯერადად მიმართოს განცხადებით უნივერსიტეტის ადმინისტრაციას, რათა მიეცეს უფლება სასწავლო წლის განმეორების, რაც გულისხმობს, რომ სტუდენტი ახალი სასწავლო წლის დასაწყისიდან განმეორებით აიღებს პროგრამით გათვალისწინებულ საგნებს. ასეთ შემთხვევაში უნივერსიტეტი სტუდენტთან აფორმებს ახალ კონტრაქტს, სწავლის იმ საფასურით, რომელიც არის კონტრაქტის განახლების პერიოდისათვის.

• სწავლების მენეჯერი ქმნის გადმოსვლის კომისიას, რომელშიც შედიან იმ სკოლების დირექტორები, სადაც ხდება სტუდენტთა გადმოსვლა;
• გადმოსვლის მსურველთა ”ისტორიებს” აგზავნის სააკრედიტაციო სამსახურში; სკოლის დირექტორთან ერთად აკონტროლებს და აჯერებს გადმოსვლის მსურველი სტუდენტების პროგრამის, კრედიტებისა და განვლილი საგნების შესაბამისობას,
• ხელმძღვანელობს გადმოსვლის მსურველთა საუნივერსიტეტო ტესტირებას;
• უძღვება უნივერსიტეტში მათ ჩარიცხვას.
• გადმოსვლის პროცესის დასაწყებისას, თუ სტუდენტს დახურული არ აქვს იმ სასწავლებელში, საიდანაც გადმოდის, სასწავლო წელი ან სემესტრი, ანუ, დარჩენილი აქვს დავალიანება (ჩავარდნილი საგნის სახით), ასეთი სტუდენტი აღნიშნულ საგნებს გაივლის სუ-ში გადმოსვლის შემდეგ, იმ სემესტრში და იმ სტუდენტებთან ერთად რომლებსაც და როდესაც აქვთ გრაფიკით აღნიშნული საგანი.